«Ο ΤΩΝ ΑΝΑΚΤΩΝ ΑΝΑΞ ΚΑΙ ΘΕΟΣ» ΗΧΟΣ ΠΛ. Δ΄ ΔΟΞΑ..ΑΙΝΩΝ ΕΟΡΤΗΣ ΑΓΙΩΝ ΚΩΝΣΤΑΝΤΙΝΟΥ ΚΑΙ ΕΛΕΝΗΣ ΦΩΤΙΟΣ ΚΕΤΣΕΤΖΗΣ/ ΔΑΝ.ΚΑΡΑΜΠΑΣΗΣ

Ἠχος πλ. δ’ 
Μεθοδίου Πατριάρχου 
Ὁ τῶν Ἀνάκτων Ἄναξ καὶ Θεός, ὁ πλουσίαις δωρεαῖς κατακοσμῶν τοὺς ἀξίους, αὐτὸς οὐρανόθεν, ὥσπερ Παῦλον τὸν ἀοίδιμον, διὰ σημείου τοῦ Σταυροῦ, σὲ Κωνσταντῖνε ἐζώγρησεν. Ἐν τούτῳ, φήσας, νίκα τοὺς ἐχθρούς σου, ὃν ἀναζητήσας σὺν μητρὶ θεόφρονι, καὶ εὑρὼν ὡς ἐπόθεις, τούτους κατὰ κράτος ἐτροπώσω. Σὺν αὐτῇ οὖν ἱκέτευε, ὑπὲρ ὀρθοδόξων Βασιλέων, καὶ τοῦ φιλοχρίστου Στρατοῦ, καὶ πάντων τῶν τὴν μνήμην σου τελούντων πιστῶς, τὸν μόνον φιλάνθρωπον, λυτρωθῆναι πάσης ὀργῆς.

«ΚΥΡΙΕ ΤΟΝ ΠΑΡΑΛΥΤΟΝ» ΗΧΟΣ ΠΛ.Δ΄ΦΩΤΗΣ ΓΙΑΝΝΑΚΑΚΗΣ/ Δ. ΚΑΡΑΜΠΑΣΗΣ/ ΚΩΝ. ΠΡΙΓΓΟΣ

«Τὴν σήμερον μυστικῶς»ΔΑΝ.ΚΑΡΑΜΠΑΣΗΣ/ ΘΡ.ΣΤΑΝΙΤΣΑΣ/ΛΥΚ. ΑΓΓΕΛΟΠΟΥΛΟΣ

Δόξα…
Ἦχος πλ. β’
Τὴν σήμερον μυστικῶς, ὁ μέγας Μωϋσῆς προδιετυποῦτο λέγων· Καὶ εὐλόγησεν ὁ Θεός, τὴν ἡμέραν τὴν ἑβδόμην· τοῦτο γάρ ἐστι τὸ εὐλογημένον Σάββατον· αὕτη ἐστίν ἡ τῆς καταπαύσεως ἡμέρα, ἐν ᾗ κατέπαυσεν ἀπὸ πάντων τῶν ἔργων αὐτοῦ, ὁ Μονογενὴς Υἱὸς τοῦ Θεοῦ, διὰ τῆς κατὰ τὸν θάνατον οἰκονομίας, τῇ σαρκὶ σαββατίσας, καὶ εἰς ὃ ἦν, πάλιν ἐπανελθών, διὰ τῆς Ἀναστάσεως, ἐδωρήσατο ἡμῖν ζωὴν τὴν αἰώνιον, ὡς μόνος ἀγαθὸς καὶ φιλάνθρωπος.

«ΛΗΣΤΑΙΣ ΛΟΓΙΣΜΟΙΣ» ΗΧΟΣ ΠΛ. Β΄ΙΔΙΟΜΕΛΟΝ ΠΕΤΡΟΥ ΛΑΜΠΑΔΑΡΙΟΥ ΑΠΟΣΤΙΧΩΝ Ε΄ΚΑΤΑΝΥΚΤΙΚΟΥ ΕΣΠΕΡΙΝΟΥ ΔΑΝΙΗΛ ΚΑΡΑΜΠΑΣΗΣ

«Αἷμα καὶ πῦρ»Ἦχος πλ. δ’ ΔΟΞΑ..ΑΙΝΩΝ ΚΥΡΙΑΚΗΣ ΜΕΤΑ ΤΗΝ ΧΡΙΣΤΟΥ ΓΕΝΝΗΣΙΝ ΔΑΝΙΗΛ ΚΑΡΑΜΠΑΣΗΣ/ ΘΡΑΣΥΒΟΥΛΟΣ ΣΤΑΝΙΤΣΑΣ

Δοξαστικὸν 
Ἦχος πλ. δ’ 
Ἀνατολίου 
Αἷμα καὶ πῦρ, καὶ ἀτμίδα Καπνοῦ, τέρατα γῆς, ἃ προεῖδεν Ἰωήλ, αἷμα τὴν Σάρκωσιν· πῦρ τὴν Θεότητα· ἀτμίδα δὲ καπνοῦ, τὸ Πνεῦμα τὸ Ἅγιον, τὸ ἐπελθὸν τῇ Παρθένῳ, καὶ κόσμον εὐωδιάσαν. Μέγα τὸ μυστήριον, τῆς σῆς ἐνανθρωπήσεως, Κύριε δόξα σοι.

 

«Εὐαγγελιστὰ Ἰωάννη» ΔΑΝΙΗΛ ΚΑΡΑΜΠΑΣΗΣ

«ΑΞΙΟΝ ΕΣΤΙΝ» ΗΧΟΣ ΠΛ. Β΄Γ. ΣΑΡΑΝΤΑΕΚΚΛΗΣΙΩΤΟΥ ΔΑΝΙΗΛ ΚΑΡΑΜΠΑΣΗΣ

«ΤΩΝ ΑΓΙΩΝ ΠΑΤΕΡΩΝ Ο ΧΟΡΟΣ» ΗΧΟΣ ΠΛ. Δ΄ ΘΡ. ΣΤΑΝΙΤΣΑΣ/ΠΑΝ. ΝΕΟΧΩΡΙΤΗΣ/ Δ. ΚΑΡΑΜΠΑΣΗΣ

 

«ΤΙΣ ΛΑΛΗΣΕΙ ΤΑΣ ΔΥΝΑΣΤΕΙΑΣ ΣΟΥ » ΗΧΟΣ ΠΛ. Δ΄Δ. ΚΑΡΑΜΠΑΣΗΣ/Μ. ΤΣΑΜΚΙΡΑΝΗΣ/ ΘΡ. ΣΤΑΝΙΤΣΑΣ/ ΔΗΜ. ΠΑΪΚΟΠΟΥΛΟΣ/ΦΩΤΙΟΣ ΚΕΤΣΕΤΖΗΣ

«Κύριε, τὸν Παράλυτον» ΗΧΟΣ ΠΛ. Δ΄ ΚΩΝ. ΠΡΙΓΓΟΣ/ΔΑΝ. ΚΑΡΑΜΠΑΣΗΣ/ ΣΠ. ΜΑΪΔΑΝΟΓΛΟΥ

Ἦχος πλ. δ’ 
Κύριε, τὸν Παράλυτον οὐχ ἡ κολυμβήθρα ἐθεράπευσεν, ἀλλ’ ὁ σὸς λόγος ἀνεκαίνισε, καὶ οὐδὲ ἡ πολυχρόνιος αὐτῷ ἐνεπόδισε νόσος, ὅτι τῆς φωνῆς σου ὀξυτέρα ἡ ἐνέργεια ἐδείχθη, καὶ τὸ δυσβάστακτον βάρος ἀπέρριψε, καὶ τὸ φορτίον τῆς κλίνης ἐβάστασεν, εἰς μαρτύριον τοῦ πλήθους τῶν οἰκτιρμῶν σου, δόξα σοι.

«Τοῖς ἐν σκότει ἁμαρτημάτων»ΗΧΟΣ ΠΛ. Β΄ ΔΟΞΑΣΤΙΚΟΝ ΑΙΝΩΝ ΚΥΡΙΑΚΗ Β΄ΝΗΣΤΕΙΩΝ Γ. ΚΑΚΟΥΛΙΔΗΣ/ Δ. ΚΑΡΑΜΠΑΣΗΣ/ ΘΡ. ΣΤΑΝΙΤΣΑΣ

Ἦχος πλ. β’
Τοῖς ἐν σκότει ἁμαρτημάτων πορευομένοις φῶς ἀνέτειλας Χριστέ, τῷ καιρῷ τῆς ἐγκρατείας, καὶ τὴν εὔσημον ἡμέραν τοῦ Πάθους σου δεῖξον ἡμῖν, ἵνα βοῶμέν σοι· Ἀνάστα ὁ Θεὸς ἐλέησον ἡμᾶς.

«Μωσῆς τῷ καιρῷ τῆς ἐγκρατείας» ΗΧΟΣ ΠΛ. Β΄ΔΟΞΑΣΤΙΚΟΝ ΑΙΝΩΝ ΚΥΡΙΑΚΗ ΤΗΣ ΟΡΘΟΔΟΞΙΑΣ ΓΙΑΝΝΑΚΑΚΗΣ/ΠΑΪΚΟΠΟΥΛΟΣ/ΘΕΟΔΟΣΟΠΟΥΛΟΣ/ΚΑΡΑΜΠΑΣΗΣ

 

Δόξα… Ἦχος πλ. β’ 
Ἰδιόμελον 
Μωσῆς τῷ καιρῷ τῆς ἐγκρατείας, Νόμον ἐδέξατο, καὶ λαὸν ἐπεσπάσατο, Ἠλίας νηστεύσας, οὐρανοὺς ἀπέκλεισε· τρεῖς δὲ Παῖδες Ἀβραμιαῖοι, τύραννον παρανομοῦντα, διὰ νηστείας ἐνίκησαν. Δι’ αὐτῆς καὶ ἡμᾶς Σωτὴρ ἀξίωσον, τῆς Ἀναστάσεως τυχεῖν, οὕτω βοῶντας· Ἅγιος ὁ Θεός, Ἅγιος ἰσχυρός, Ἅγιος ἀθάνατος, ἐλέησον ἡμᾶς. 

«Ἔφθασε καιρός»ΗΧΟΣ ΠΛ. Β΄ΔΟΞΑΣΤΙΚΟΝ ΑΙΝΩΝ ΚΥΡΙΑΚΗ ΤΗΣ ΤΥΡΙΝΗΣ ΓΙΑΝΝΑΚΑΚΗΣ/ ΠΑΪΚΟΠΟΥΛΟΣ/ΤΑΛΙΑΔΩΡΟΣ/ΚΑΡΑΜΠΑΣΗΣ/ΣΤΑΝΙΤΣΑΣ/ΘΕΟΔΟΣΟΠΟΥΛΟΣ

Δόξα…Ἦχος πλ. β’
Ἔφθασε καιρός, ἡ τῶν πνευματικῶν ἀγώνων ἀρχή, ἡ κατὰ τῶν δαιμόνων νίκη, ἡ πάνοπλος ἐγκράτεια, ἡ τῶν Ἀγγέλων εὐπρέπεια, ἡ πρὸς Θεὸν παρρησία· δι’ αὐτῆς γὰρ Μωϋσῆς, γέγονε τῷ Κτίστῃ συνόμιλος, καὶ φωνὴν ἀοράτως, ἐν ταῖς ἀκοαῖς ὑπεδέξατο· Κύριε, δι’ αὐτῆς ἀξίωσον καὶ ἡμᾶς, προσκυνῆσαί σου τὰ Πάθη καὶ τὴν ἁγίαν Ἀνάστασιν, ὡς φιλάνθρωπος.

«Πάτερ Χρυσόστομε» ΗΧΟΣ Δ΄ ΔΟΞΑΣΤΙΚΟΝ ΑΙΝΩΝ ΕΟΡΤΗΣ ΑΓΙΟΥ ΙΩΑΝΝΟΥ ΧΡΥΣΟΣΤΟΜΟΥ ΔΑΝΙΗΛ ΚΑΡΑΜΠΑΣΗΣ

Ἦχος δ’
Γερμανοῦ
Πάτερ Χρυσόστομε, ὡς ποταμὸς θεόβρυτος, ἐκ τῆς Ἐδὲμ μυστικῶς ἐξερχόμενος, εἰς ἀρχὰς τέσσαρας διαδραμών, σοῖς λόγοις τῆς γῆς τὰ πέρατα, πάντα πιστὸν κατήρδευσας, τῇ παγχρύσῳ διδασκαλίᾳ σου, διὸ τὴν ἐπάνοδον, σοῦ τῶν θείων λειψάνων, ἡμῖν σαφῶς πολιτογραφήσας, πρεσβεύεις σωθῆναι, τὰς ψυχὰς Ἰωάννη, τῶν ἀνυμνούντων σε.

ΤΡΙΣΑΓΙΟΝ ΔΥΝΑΜΙΣ ΗΧΟΣ ΠΛ. Δ΄ΓΕΩΡΓΙΟΥ ΣΙΑΠΕΡΟΠΟΥΛΟΥ ΔΑΝΙΗΛ ΚΑΡΑΜΠΑΣΗΣ

«Εὐαγγελιστὰ Ἰωάννη, Ἰσάγγελε Παρθένε» ΗΧΟΣ ΠΛ. Δ΄ΘΡΑΣΥΒΟΥΛΟΣ ΣΤΑΝΙΤΣΑΣ/ ΔΑΝΙΗΛ ΚΑΡΑΜΠΑΣΗΣ

«ΤΩΝ ΑΓΙΩΝ ΠΑΤΕΡΩΝ Ο ΧΟΡΟΣ» ΗΧΟΣ ΠΛ. Δ΄ ΔΟΞΑΣΤΙΚΟΝ ΑΙΝΩΝ ΚΥΡΙΑΚΗΣ ΤΩΝ ΑΓΙΩΝ ΠΑΤΕΡΩΝ ΔΑΝΙΗΛ ΚΑΡΑΜΠΑΣΗΣ

Δοξαστικὸν
Ἦχος πλ. δ’
Τῶν ἁγίων Πατέρων ὁ χορός, ἐκ τῶν τῆς οἰκουμένης περάτων συνδραμών, Πατρός, καὶ Υἱοῦ, καὶ Πνεύματος ἁγίου, μίαν οὐσίαν ἐδογμάτισε καὶ φύσιν, καὶ τὸ μυστήριον τῆς θεολογίας, τρανῶς παρέδωκε τῇ Ἐκκλησίᾳ· οὓς εὐφημοῦντες ἐν πίστει, μακαρίσωμεν λέγοντες· Ὦ θεία παρεμβολή, θεηγόροι ὁπλῖται, παρατάξεως Κυρίου, ἀστέρες πολύφωτοι, τοῦ νοητοῦ στερεώματος, τῆς μυστικῆς Σιὼν οἱ ἀκαθαίρετοι πύργοι, τὰ μυρίπνοα ἄνθη τοῦ Παραδείσου, τὰ πάγχρυσα στόματα τοῦ Λόγου, Νικαίας τὸ καύχημα, οἰκουμένης ἀγλάϊσμα, ἐκτενῶς πρεσβεύσατε, ὑπὲρ τῶν ψυχῶν ἡμῶν.

«ΣΩΜΑ ΧΡΙΣΤΟΥ ΜΕΤΑΛΑΒΕΤΕ» ΚΟΙΝΩΝΙΚΟΝ ΤΟΥ ΠΑΣΧΑ ΒΑΤΟΠΑΙΔΙΝΟΣ ΧΟΡΟΣ/ ΔΑΝΙΗΛ ΚΑΡΑΜΠΑΣΗΣ

«ΤΗΝ ΣΗΜΕΡΟΝ ΜΥΣΤΙΚΩΣ» ΗΧΟΣ ΠΛ. Β΄ ΘΡ. ΣΤΑΝΙΤΣΑΣ/Δ. ΠΑΪΚΟΠΟΥΛΟΣ/Δ.ΚΑΡΑΜΠΑΣΗΣ

ΕΥΛΟΓΗΤΑΡΙΑ ΑΝΑΣΤΑΣΙΜΑ ΗΧΟΣ ΠΛ. Α΄ ΧΟΡΟΣ ΒΑΤΟΠΑΙΔΙΝΟΣ/ ΔΑΝΙΗΛ ΚΑΡΑΜΠΑΣΗΣ